家家戶戶

营业中

休息中

小店设计好有心思，感觉同店名「家家户户」好似，有家的感觉。地方虽唔多，但整齐企理。选择都唔少，每款菜式加钱就可变成多款配搭的套餐组合，好丰富！另有单点小食和饮品添！男朋友要牛肉韩式什锦饭套餐（$102），包四款前菜、一碗汤，最惊喜是有支迷你版益力多，果然系韩国传统套餐，包甜品添！前菜有烟韧嘅鱼片、香辣泡菜、甜甜地嘅花生和清爽嘅韭菜花，四款都好味。牛肉韩式什锦饭大大碗，有牛肉、大豆芽、菠菜、甘荀、紫菜、翠玉瓜等，好丰富。将韩式辣酱拌匀食，香辣滋味，好食！我要补一补，拣咗参鸡汤（$168），同样包四款相同嘅配菜。哗！全只鸡上枱，啖啖肉，肚内还有红枣、参、蒜、糯米等等，份量好足。汤热辣辣，参味唔算好重，顺喉滋补。最后饮埋支酸酸甜甜嘅益力多($0)，消滞解腻。