香葉灣 (小西灣廣場) (已結業)

一直都想试下呢间店，但次次都系去左另外食店进餐，今晚终于可以试到了。佢哋楼面得几个员工，我叫左好耐终于可以叫到个职员过来落单，虽然佢地做到踢晒脚，但服务仍然令人感到满意的，对客人都好好礼貌。青咖哩牛脷饭：虽然唔够辣，但甜甜地都几好味，咖哩汁好多，可惜主角牛脷只有四片，薯仔只有两旧，饭既份量亦少左啲，女士们就可能刚刚够饱，但男士们就一定唔够饱。鱼片猪颈肉喇沙：汤底都算香，只有微微辣，适合唔食得辣既客人，唔错，猪颈肉好味，不过个粉底就差左少少，如果弹牙返少少就会更好。干炒牛河：卖相几靓，唔会太油，味道亦挺不错，唔会觉得咸，如果可以落多少少牙菜就了，因为我觉得干牛河同牙菜真系好friend，亦可能因为我个人喜欢食牙菜吧。沙爹肥牛粉丝锅：甜左啲啲，不过捞饭都还是不错，可以都系一个问题，主角肥牛的份量少左啲啊。总结，味道唔错，员工有礼，值得试完再encore，只系份量方面如果多返啲就更好了。