香葉灣 (小西灣廣場) (已結業)

前幾日嚟依度叫早餐 叫左個三文治烘底 出到嚟冇烘底 同返個侍應講 就同你講早餐完左冇得再出 但明明係你餐廳出錯嘢 仲要人受你做錯事嘅後果然後叫左凍檸茶 又唔出 要叫先出 都算叫完 又出錯熱檸茶 好聲好氣同佢講出錯 個侍應就指係寫左熱檸 要同佢惡啲先肯出返啱咁嘅服務態度 又成日出錯嘢當正常 真係唔會再有下一次 唔會再嚟食

之前介紹過佢嘅晚餐外賣，印象真係唔錯，今次專程來試師傅早餐既功力！入到店，店員安排左卡位比我☺️座位闊落 ，慢慢嘆個早餐就岩晒！早餐都多選擇，我就揀左C餐 自選扒餐 STEAK SETᵀᴱᴺᴰᴱᴿ ᶜᴴᴵᶜᴷᴱᴺ ᶜᴴᴼᴾ鬆軟雞扒｜ᶜᴴᴼᴼˢᴱ: ᶠᴿᴵᴱᴰ ᴱᴳᴳ, ᴸᵁᴺᶜᴴᴱᴼᴺ 煎蛋、餐肉｜ˢᴱᵀ ᴵᴺᶜᴸᵁᴰᴱˢ ᴮᵁᵀᵀᴱᴿ ᴮᴿᴱᴬᴰ, ᴹᴬᶜᴬᴿᴼᴺᴵ ᵂᴵᵀᴴ ᴴᴬᴹ 牛油方包、火腿通粉成個SET連凍飲💲38 🤩以份量取勝既早餐，雞扒皮薄香脆，肉質鬆軟，唔會有乾身口感。煎蛋🍳係我自己揀全熟既！通粉份量都唔細份架，湯底味道唔會過濃，鍾意濃味嘅朋友可以學我咁再加胡椒粉😋

服務態度 好差！！無第二次！食物質數差！全無衛生可言 一碟乾炒牛河 濕到痴晒線 叫杯凍咖啡 又俾錯凍奶茶 同個老闆講（四眼肥佬）俾錯咗 要求換番杯正確 點知俾佢鬧番轉頭 話我落單事 講到吾清吾楚！

今日睇完跌打，十二點幾 諗住係屋企附近搵個飯食下 見到喱間諗住開咗一段時間都試過 諗住一個人就自己試下 本身見無哂位 收銀個哥哥話可以門口等一陣之後坐個張卡位 咁好快有得坐 咁我坐低 後面有3位 有個十分之無禮貌嘅阿姨員工 叫我轉枱 轉枱唔係問題 張枱係用嚟執餐具 我已經話你張枱用嚟放工具 點坐過去 佢竟然話午餐時間係咁㗎 都要體諒下 我知你要做生意 我亦都話咗唔調 你不斷話我得一個就係咁 我唔係唔想就 但我都係嚟消費 我都會俾錢 同埋你個場都有好多4人卡位嘅1個人食緊 無其他枱好自然我入嘅時候係坐個啲枱我自己都係做飲食業 我完全覺得你哋嘅員工要重新培訓 一個人嘅枱都係做生意 唔係人地人多嘅枱就係神 超級bad feeling 另外個個哥哥亦都唔出聲 你地係咁嘅服務態度對客 我一定唔會光顧你哋 極為之垃圾！第一次打咁多篇 就係因為你喱間野！

呢個位置其實都真係轉左好多手餐廳，早餐就食得多，但晚餐真係第一次試，真係好有驚喜，買咗香葉灣嘅外賣特價套餐［$38連飲品或餐湯］叫左泰式豬頸肉炒飯。依家成日聽人講幾十蚊一個飯唔好咁高要求，但我相信仍然好多餐廳係會做好! 我個人本身都冇特別好大期望，諗住買個飯返屋企慢慢食😆所以今次真係冇特別影相。返到屋企，打開飯盒，已經覺得個外賣勁吸引，好夠鑊氣！泰式嘅微辣亦都做到剛剛好，冇搶到本身炒飯嘅香味，份量充足 真係食到停唔到口🙈$38絕對係性價比極高，雖然小西灣真係好多選擇，但呢一個水平就算唔係特價餐 ，堂食價都比其他餐廳抵，係值得更加多人幫襯。

其實一路都住喺附近，所以其實一路都有食開呢間餐廳，但係今次去完我真心唔會再有第二次。一入去個店員好無禮貌地就叫我自己坐低 咁都算啦 坐低左之後啲店員就開始自己喺到傾計 有一個人可能佢屋企人黎左定點 直頭幫佢bb換片!其實我真心唔介意你屋企人黎左定點 但係可唔可以理下我 我坐左起碼10分鐘 先有人理我。好彩啲野係幾好食 個喱腩飯係唔錯 佢唔係好辛辣 合我口味 同埋都好濃 又香 野食黎講算唔錯。我已經好激氣。 不過就心言心，啲野係幾好食嘅。

我第一次光顧的時候是他剛開店， 打算試下好唔好食，點知道服務極差，服務員久久沒有反應， 甚至連套餐應該有什麼也不知道， 點完餐過了一會又說賣完了要轉過另一個菜式， 我還記得我選擇了類似班腩的菜式，誰知道得了一份鮮魷之類的菜式， 我和家人也想算了吧已經等了很久，肚餓了就照吃，誰知道那份鮮魷根本沒有熟透。 還有那飲品，等到我和家人都吃完飯了也沒送到，就催他，竟然是漏單了…或許是剛開業有少少手忙腳亂以致影響服務及食物的質素。今天，我拿起外賣平台打算買外賣，打算再試一次，給這間餐廳多一次機會，誰知道，送來的金邊粉是一個化不開的麵餅，極為難食，口感極差， 還有那杯熱杏霜比膠水還要濃稠， 說是杏仁糊那還有道理，但我當然不敢飲用那杯不明物體，簡直是差勁。 我把劣質食物的照片傳給外賣平台並作出投訴，最終得到 全額退款了，但我還是感到十分生氣所以留下這份食評希望各位食家借鑒。

比正價叫吉列孖寶，因為飯少叫左多飯派餐呀姐衰到 無加飯話個飯已經咁大 點唔夠食唔夠食到一半再加，個個人稱十家姐態度極度惡劣無禮貌食到一半叫左佢3次扮見唔到，大佬加飯要收錢唔緊要，唔好似哀求人比飯食先得架加飯比得一啖飯，其實米飯啫，做餐廳唔係想人食飽初初試業時 食物質素極差 都一路支持去食 因小西灣間101執左粒 而家食物正常 態度就極囂張投訴到經理，佢話轉頭叫佢地檢討加飯程序，其實係服務態度既問題加飯加十蚊廿蚊 都唔係問題，服務態度要誠懇呀

連鎖式快餐的早餐方便，快捷，而我比較喜歡到餐廳食早餐，環境亦較清静，今天放假，同老婆到開咗數月的香葉湾港式泰國茶餐廳食早餐，最貴$32，已有一份豐富早餐。香茅雞扒、香腸、煎蛋配火腿通粉:雞扒用香茅醃製，更惹味，雞扒煎香，不太乾身，火腿絲通粉爽身，我地都較喜歡食落唔腍嘅通粉。牛扒、香腸、太陽蛋配火腿通粉:牛扒薄身，都幾大塊，唔靱早餐雖然經濟抵食，但份量都唔算少，不馬虎，侍應亦有禮貌招待客人，值得繼續支持😄

呢間係新茶餐廳，本來今晨清早，想去慣常快餐店食早餐。朋友通知有間港式泰國茶餐廳在10月初開張，就趁返工前有時間就去試吓啦！菜單用A4 size 的膠片做，分有早、午、下午茶、晚餐及散點。分類非常清楚，唯獨要提提大家，小弟今朝早見早餐牌，A餐泰滋味湯粉麵餐中的A4餐是雞柳扎肉，即刻想點這了。後來侍應解釋A4餐是雞柳/扎肉呢！因為印刷時少了 "/" ，誤會成既有雞柳又有扎肉，大家要注意。 說回食物素質啦！最後我們選了A2餐香茅雞扒配煎雞蛋湯檬粉及A6餐沙嗲牛肉配煎雞蛋湯金邊粉，飲熱架啡。食物放得好好，視覺不差，雞扒入口外香內軟有口感，湯檬粉細滑好味! 環境寬闊，推介朋試試，現在開始多人識嘆去幫襯。

一直都想試下呢間店，但次次都係去左另外食店進餐，今晚終於可以試到了。佢哋樓面得幾個員工，我叫左好耐終於可以叫到個職員過來落單，雖然佢地做到踢晒腳，但服務仍然令人感到滿意的，對客人都好好禮貌。青咖哩牛脷飯：雖然唔夠辣，但甜甜地都幾好味，咖哩汁好多，可惜主角牛脷只有四片，薯仔只有兩舊，飯既份量亦少左啲，女士們就可能剛剛夠飽，但男士們就一定唔夠飽。魚片豬頸肉喇沙：湯底都算香，只有微微辣，適合唔食得辣既客人，唔錯，豬頸肉好味，不過個粉底就差左少少，如果彈牙返少少就會更好。乾炒牛河：賣相幾靚，唔會太油，味道亦挺不錯，唔會覺得咸，如果可以落多少少牙菜就了，因為我覺得乾牛河同牙菜真係好friend，亦可能因為我個人喜歡食牙菜吧。沙爹肥牛粉絲鍋：甜左啲啲，不過撈飯都還是不錯，可以都係一個問題，主角肥牛的份量少左啲啊。總結，味道唔錯，員工有禮，值得試完再encore，只係份量方面如果多返啲就更好了。