咖喱至尊

营业中

休息中

去开大埔超级城唔想食连锁店，就去咗附近商场行吓，见到呢间咖喱至尊唔洗等，门口又贴晒杂志介绍咁。餐牌写住闸一开香飘四溢，又话一食就口碑即立，似乎佢哋对自己嘅出品好有信心。叫咗两份午餐包例汤或热饮，我哋各要咗一款，例汤比较淡。热奶茶就正正常常。巴基斯坦咖喱牛腩饭嘅牛腩炆煮得够腍， 咖喱杰身微辣兼有香料味， 伴菜方面除咗常见嘅薯仔之外， 仲有切粒番茄、青瓜同洋葱。马来沙爹牛肉饭就比较甜，相对起嚟味道唔太突出，牛肉个口感都好似冇牛腩咁好。门口贴住嘅杂志介绍其实已经系好耐之前嘅事，佢巴基斯坦咖喱都OK，但如果自称一食就口碑即立嘅话就有少少保留。