Homeland (東昌街) (已結業)

番到大埔一时三刻谂唔到食乜。搭巴士经过广福道，谂谂吓都有段时间无去食东昌街间Homeland一于今晚就去佢到食饭。一于以往，装修同之前都一样，啲staff都nice 同helpful。我哋嗌咗芝士焗西兰花同青口做前菜，肉酱pizza做main同一件cheese cake share。芝士焗西兰花，焗嘅时间唔够，个底有啲湿。或者系灼完啲西兰花未索番干，同之前食过嘅差少少。青口方面摆盘唔错，每只都有番咁上下size，可惜上到枱面食落去冻咗少少。如果热啲食落去应该唔错。肉酱pizza方面，佢个pizza底系硬同脆身，有啲脆饼干底。呢个有啲扣分，记得之前喺到食pizza系软身意大利𠮶种，依家变咗偏日式嘅pizza。最后cheese cake真系一般，雪得唔够硬，件饼好似食紧cream咁，而饼底都好淋，讲唔上系一件好嘅cheese cake。如果唔同之前比较，Homeland都算系唔差嘅选择。可惜比以前退步咗。