炳記茶檔

营业中

休息中

上open rice 睇到啲食评咁高分，所以想嚟排队试吓🤭排咗阵好快入到去，都系一般茶档嘅后巷位，坐低5秒都冇个叔叔就即刻问我地食乜嘢，枱面连餐牌都冇我鬼知有咩食咩🤷🏻‍♂️最后净系叫我哋攞部电话影墙上边𠮶个餐牌睇就算😅最后我叫咗个猪扒面加杯好出名嘅奶茶试下🤤猪扒面有黑椒味都唔错，但味道都比较平凡，似乎未至于好似食评入边讲嘅咁好味，而杯奶茶都真系唔错嘅，有浓浓嘅茶香，身为奶茶控嘅我表示满意😌总括嚟讲，我觉得呢度嘅奶茶试吓真系无妨，但系咪真系值得咁多正评呢？我会有少少保留，可能大部份都系俾咗杯奶茶，同埋其他茶档小食好似奶酱多个啲啦，但周末嚟试下我觉得都可以嘅👍🏼