阿里朗韓國餐廳

营业中

休息中

上到餐厅，见到呢度嘅侍应著住韩服，好有风味。餐厅比较旧嘅韩式装修，充满岁月嘅味道。入面都几大，好多位，都坐得舒服午市餐牌有一个主食，野饮就要另外加钱。价钱$70至$100左右。 所以都唔算平。坐低就会送上六小碟嘅前菜: 薯仔、菜、海带、泡菜、芽菜及豆腐前菜我觉得几好食，特别系个薯仔我叫咗海鲜豆腐锅， 海鲜比较失望，因为都系啲超级细嘅虾同埋鱿鱼，金菇比较多，豆腐系大旧坚硬𠮶种。 个汤反而几好，辣得好香， 捞饭一流。同事叫咗豆腐锅，呢个锅啲豆腐相对地滑，呢个就唔错午餐仲有甜品:糯米糍一粒， 呢间韩式料理食物都ok， 等下次再嚟就唔会叫海鲜豆腐锅了。