輕鬆一下 (已結業)

轻松一下呢间餐厅系葵涌广场其实已经有好多年历史，我谂成日行葵涌广场嘅人都一定知道呢间餐厅喺边，行街行到攰，想揾张凳坐低，不妨考虑嚟呢度，帮衬廿几蚊小食，「轻松一下」。餐厅占地嘅面积唔细，主力都系卖地道小食为主，客人来得快走得快，基本上都唔使点等位就有得入座叫嘢食。我今日系为咗Hea时间，所以嚟咗呢度食嘢。由于要Hea嘅时间都颇长，有个几钟，所以我就叫左碗米线顺便医下肚。叫咗一碗车仔面---枝竹冬菇米线+腩汁＄34枝竹份量偏少，有d失望冬菇应该无点调味过，食嘅就系冬菇本身嘅菇味，而冬菇嘅size比想像中大，厚度十足，几好。米线嘅质地，味道亦都比想像中嘅好，我觉得甚至乎系好过谭仔。佢唔系特别滑，但系真系食到有啲米嘅味道，感觉比较天然; 有d可惜嘅系汤底腩汁味道并唔突出。服务方面，本身唔会期望太高。但系希望姐姐收碗嘅时候都会问一声我哋食完未，或者个碗仲要唔要架？问都唔问就收走咗个碗，我会觉得唔系咁好至于价钱方面，呢一碗两𩠌车仔面要＄34，我觉得就有d贵，＄30以下会比较合理。