輕鬆一下 (已結業)

週末難得輕鬆一下，同先生睇戲之前食個下午茶醫下肚，呢間係我哋細個成個幫襯嘅小店，以前用「平靚正」可以形容哂，時隔多年再嚟，價錢貴咗唔少。細細個廿幾蚊碗嘅車仔麵，已經加到四十幾蚊一碗，而且麵量偏少。我哋揀咗腩汁幼麵配柱候牛腩、豬頸肉同白蘿蔔，湯底偏淡，牛腩軟腍入味道，豬頸肉同白蘿蔔中規中矩。碗仔翅依然係記憶中嘅味道，濃稠適中，肉絲冬菇等算足料，但魚肉粉感較重。炸脾令人有少少失望，外皮唔脆，輕輕炸過就算，肉質軟嫩但唔夠入味，但必須一讚嘅係侍應會提供手套，唔洗食到隻手油淋淋。車仔麵送熱飲，轉凍飲要加六蚊，算係偏貴。百物騰貴好合理，但加價嘅同時希望質素亦能夠保持，咁先唔會令街坊失望。

今日去行葵涌廣場行街，見到這間已經由中學食到而家的小店唔做見榮退休真的沒想過，就在這裡買點小吃吃，叫了粉果牛肉腸仔共二十五元再加買外賣回家，外賣買了燒賣腸粉，但燒賣有點貴而味道都是普通。粉果的皮不好好硬身，入面的材料都幾多，味道都不錯，牛肉有點牛肉味而口感都不錯不會太淋身，腸粉四條份量都夠食，醬好味腸仔不太粗身又夠滑，不錯，朋友就叫了水餃，三十八元得四隻加菜就有點貴，但味道十分好味同大隻，湯底清清地不太多味精。

點解掃街熱點，會出現$42三餸車仔麵⁉️加野飲仲要加多$6🙄所以我地忍唔住，試下佢係唔係值呢個價錢🤔🔹蘿蔔+冬菇+滷水雞翼+油麵（沙爹湯）：第一碗呢個配搭都只係基本餸，但食落只有冬菇係正常😓蘿蔔有根唔夠淋、雞翼滷水味唔夠😪沙爹湯都唔夠濃郁....開始有點擔心.....聽到直升機聲啦...🚁（伏伏伏伏伏）🔹蘿蔔+牛柏葉+豬肚+鯪魚肉（腩汁加辣）：蘿蔔一樣...有根唔夠淋😪、牛柏葉同豬肚都係普普通通，唔算好爽口、而佢寫住係手打嘅鯪魚肉，切到好幼一條，口感一般，食唔到彈牙嘅感覺，可能係佢切法問題...鯪魚肉仲要另外加$10😓湯底唔使講，同樣唔夠濃😞唯一加分位係佢枱上面嘅辣菜脯🙄呢個味道係唔錯嘅👍🏻但都唔建議大家食😓都係上返樓上掃街算😑評分味道：2/5環境：3/5服務：3/5性價比：2/5回頭率：2/5

平日落車，都見很多人坐在這裡吃早餐。既然這樣，就買腸粉另加串燒賣回公司當早餐吧。腸粉味道可以，燒賣就比較硬了一點點，我覺得這個豉油及麻醬這些醬汁調得好好，味道比較濃，所以令普通的食物變得可以接受。經過開沒有要求的話，日後都可以作早餐。

豬肚豬頸肉魚蛋上海麵 $42葵廣三餸車仔麵🤤 豬肚有咬口有微微麻辣味 偏韌但都咬到 豬頸肉咬落有醬汁味道算係有點驚喜😂 魚蛋以為會係陳皮魚蛋 原來大大粒的但咬落係粉 面頭大大pat沙嗲醬令食欲大增 加上細碎但不惹味既菜莆粒 整體係及格既😛樽仔奶茶要加$11 試下佢有幾巴閉先!(自己踩左落個氹度) 結論係冇咩特別!!🙈🙈🤪 味道冇話特別濃郁 但又唔差既 欣賞佢唔會太甜 但加$11絕對係伏!!!! btw覺唔覺個logo有d似華嫂?😂

因為時間太趕黎到葵芳廣場食個快lunch 2 點幾星期五人流唔多因為最緊要素食所以好快就入左呢間叫左車仔麵響令，冬菇， 枝竹但最後唔知做咩比左雲耳我算啦落3樣野即都錯照食 沙嗲汁一d 都唔好食個米粉更加麻麻雲耳算係咁響令叫做食得下個汁令到個米粉更加難食但因為我太趕時間啦都唔好理咁多出餐好快但都係比錯台囉算啦我叫自己算凍飲檸檬茶得一塊檸檬真係多謝晒啦冇檸檬味算啦但真心好平咁食先45 蚊快快手食完又要做自己野冇要求先好黎呢到食呀

夜晚八點幾,葵廣幾乎度度都排隊,是但有位坐低就食。一坐低望個餐牌覺得唔係好對路,係好_貴。幾年前返學久唔久會去葵廣用餐,價錢都唔會咁貴,可能通漲喇我唔知。出黎做野之後冇話就住黎食,但今次真係食唔落,價錢根本係一間伏店!講講食物,2人食,魚仔翅$24,ok正常唔難食,都唔好食,份量都唔多;辣魚蛋$11,5粒細魚蛋,重要辣係倒d透明汁落去,係咪我對辣魚蛋認知有錯誤?你老闆$11蚊比5粒人會唔會黑心左d?重有個豬軟骨麵$45,都係hea,能果腹囉,但係落單果陣個auntie問飲唔飲野,加6蚊,緊係話唔加,佢補多句,呢家唔加一陣加就要收正價!哈哈,呢個咩玩法黎?期間限定嗎?有見及此,這間唔會再食。

經過葵涌廣場的輕鬆一下，被燒賣、魚蛋、生菜魚肉湯和碗仔翅等懷舊小食吸引著。地方算光猛，衛生方面是可以的。店員大多是中年婦女，服務不過不失。點了一份生菜魚肉湯生菜絲沒有菜味之餘只有一點澀澀的味道，魚肉內有過多的胡椒粉，非常辣的，顏色是較灰的，質地有點不尋常的韌，加上外層的的光澤感，像是混了澄粉。一點魚的味道也吃不出來。湯底的顏色是灰灰又渾濁的。第一次吃到這樣劣質的魚肉湯，非常失望！二十二元這價錢，可以做好一點吧！

今日帶個女睇醫生睇完就去輕鬆一下食lunch嗌咗2碗雲吞河期間我個胃好痛真係痛得好緊要老闆娘行過見到我好痛苦即時問我咩事我告知胃痛後老闆娘立即放低手上既嘢即刻去攞胃藥俾我仲俾杯暖水我當時真係好感動幸好老闆娘啲胃藥過咗一陣已無咁痛可以食到嘢

一早去諗住去輕鬆食個早餐，去到已經見到幾個員工圍埋係到吹水傾計大大聲講笑！佢地返工定黎hea!?!?另外三個員工係另一邊外賣枱到嗌哂交咁，不斷嘈嘈敝！嗌左好幾次「唔該落單」，3個阿姐見到聽到竟然照行過唔理！！！好啦⋯⋯忍住再嗌其他人....之後黎左個阿姐，又係見到我嗌人又係照行過！完全漠視😡😡個個都好似唔想做野黑口黑面咁！野食唔算差，但價錢亦唔算平！咁既價錢去受班咁既阿姐惡劣態度！D客黎到一d都唔輕鬆！隔離是旦一間都好過佢！絕對無下次😡😡😡

行葵廣行到有啲攰，就想搵個位坐底食嘢，見呢間 輕鬆一下 好似好多街坊幫襯咁就試下🤪坐就唔算坐得舒服，要搭吓枱咁。🤓🔸北菇滑雞飯（$42）菇就得一嚿😂雞同飯都夠味唔會好咸，不過雞就多碎骨，食嘅時候要小心啲🤓🤓齋啡就比想像中好飲～☕️🔸煎釀三寶-6件 （$28）🔹寶寶：尖椒、茄子、紅腸、炸雲吞味道就同平時嘅煎釀三寶差唔多，不過不失🤓唯一要讚嘅係尖椒同茄子都算大嚿，炸雲吞嘅炸粉就厚嘅😳🔸生菜魚肉（$22）生菜份量唔算好多，好快就食哂啲菜得返啲魚肉，魚肉唔太彈牙，較腍身。我自己就另外落咗啲麻油，落完香啲先似返少少樣～

之前嚟到葵涌廣場, 好痕痕想搵下啲小食食吓, 我行到攰想坐下, 揀咗呢間<<輕鬆一下>>! 我地都係求其叫下野食, 叫咗個兩溝碗仔翅🍲, 估唔到又幾好食喎, 熱辣辣, 好足料, 味道都唔錯! 好少見咁足料嘅碗仔翅🤩🤩, 豬肉絲, 粉絲, 冬菇, 魚肉都多!! 推介👍🏻👍🏻另外叫咗個腸粉, 加燒賣同埋魚蛋, 呢個就普普通通啦! 腸粉林左少少, 魚蛋燒賣都係普通! 不過呢度勝在夠方便, 附近行完街又可以嚟坐下休息下, 都唔錯嘅~! 👍🏻

葵芳超多食店，但大部分都無得坐低，有時行到累，就會想去輕鬆一番坐下食Ｄ野。呢到有車仔面同飯食，不過我通常都係食Ｄ香港小食多。我最推介就係滷水雞脾，食呢隻雞脾係會搵返中學回憶，因為佢有學校小食部既味道。滷水滷得好入味，而家唔會太咸！雞脾肉啖啖肉，又夠滑，岩晒肉食獸！另外碗仔翅，碗仔翅既翅就唔多啦，反而肉絲同冬菇絲好多下，加埋醋食又係好開胃！不過都幾大碗下，自己食一碗都飽晒，食唔落其他野。另外叫左生菜魚肉，反而覺得麻麻，Ｄ魚肉無乜咬口，又有ＤＤ腥，要落多Ｄ胡椒粉先得。

來到葵芳，當然要潮聖一下美食天堂 - 葵涌廣場。平日好喜歡去 – 輕鬆一下，因其食物種類實太多了。車仔麵，懷舊小食(豬皮魚蛋腸粉等)，上海麵，雲吞牛腩麵，奶茶咖啡，多士。加上營業時間蠻長，早上6點到晚上12點，都可以醫下肚。腸粉蘿白魚蛋牛肉，腸粉好滑流，不糊口。蘿白魚蛋，好惹味。白灼鮮牛肉，清清地，有牛肉味淨鮮蝦雲吞，中SIZE，味道都不差。

叫咗個車仔麵 成Pat汁咁加落個麵度 勁咸叫佢比碗湯即刻黑面好似唔想做咁叫咩冇咩11點幾已經冇炒麵無粥冇雲吞六條腸粉要$22燒賣魚蛋都可以整到油林林極差！最差係員工&收銀嘅態度勁差！以後不會幫襯