五斗米 (厚和街)

营业中

休息中

今日我地又去咗坚尼地城食午饭，沿着厚和街揾食。哩间餐厅，我地2个都未曾食过，所以入去试一试。我哋叫咗两个肉燥饭，另加拼盘。个肉燥饭唔够香，都冇卤水嘅甜味。跟餐嘅卤水蛋亦都卤左好耐，已经裂晒。唯一可以赞嘅系跟餐嘅烫青菜。个菜系用咗樱花虾米煮，所以好香虾米嘅味道，个菜好入味，我覚得个配菜仲好食过主菜肉燥。食食下，听到大少「涸落，涸落」，之后吐咗好大粒沙出来，起码吐咗2粒。大少碗肉燥饭只食咗一半，吐沙之后，已经再无心情继续食。轮到拼盘，有花枝，贡丸，卤蛋，卤豆腐。花枝同贡丸，只系超级市场买到嘅货色，而卤蛋亦卤到裂开。个卤豆腐有d得意，个质感唔似豆腐，有少少弹牙，有d似食紧蒟蒻。总括来说，呢个台湾菜有别于我平时食开嘅台湾小吃，唔知有冇分台中，台南，台北嘅分别。我只可以讲，大少食饭食到大大粒沙，个评分一定唔会好啦。