Cafe 360 (已結業)

今日系西九龙中心食晏，塭到呢间装修几休闲嘅餐厅，而且重俾佢放系门口嘅广告牌吸引到，因为有我最钟意饮既酥皮汤。午餐选择都几多，叫咗焗酥皮野菌忌廉汤配黑松露汁野菌鱼柳意粉。酥皮汤 : 见到实物后深深明白到理想同现实往往系两回事黎，不过总算都闻到阵阵牛油嘅香味，不过整烂酥皮后吓咗一跳，啲汤好似比人饮左半碗咁 ; 而味道只系金宝牌忌廉汤，一啲惊喜都无。😔 😔 而且卫生真系欠佳，个汤碗底应该上手用黎放完蛋糕无洗就攞黎用。🙄 🙄黑松露汁野菌鱼柳意粉 : 无香味，个汁又无味，好似食紧斋意粉咁，鱼柳亦无特别，失望加失败。👎🏻 👎🏻埋单盛惠 $75，其实呢个价钱真系唔太值。