阿里山鐵路便當

营业中

休息中

新开谂住试吓，夜晚8:30来到都要排队等位，心谂有无咁好食吖。原本谂住食阿里山烧鸡腿便当，点知烧鸡腿卖晒唯有叫香煎沙朗卤肉便当，酱烧猪软骨肉燥干拌面，卤水小食拼盘。落咗单侍应口头覆一次，点知另一个人打单，又叫我哋再对多次张单啱唔啱点解要客核对入单有无错？可能系我期望太高，便当份量比想像中少块牛扒太细，所以睇落好少，食落好韧好鞋，饭太淋太软。卤水小食拼盘，鸡翼无乜卤水味，而且好浅色，猪耳有3条，好韧，鸡蛋普通正常。酱烧猪软骨肉燥干拌面，唔知点解俾错公仔面我不过佢新开就算，后来先发觉原本面唔系用公仔面，除非写单时拣公仔面当佢新开乱晒龙，又唔想浪费食物，无叫佢换...猪软骨正常味道。最后俾钱好有问题，3个客排队等俾钱，但无一个楼面既人肯收，等咗好耐厨房终于有人出来收钱，仲要无带口罩，用衫领遮住个咀就算好唔卫生。整体来讲有点失望，新开运作上未完全流畅，餐牌图片太细又少，唔知食物系点样，所以仲有好大改善空间。