影片
更多
2021-10-28
330 浏览
通常新开的餐厅都好吸引，但我同同事今日嘅体验真系好一般... ...大角咀大全街一向都好多美食，今日一行3人行过，见呢间潮州菜馆系新开的，款式都几多几吸引，一于试吓。门口帮手带位嘅姐姐好有礼貌，我哋好快已经坐低咗，而且呢位姐姐好快已经帮我哋落单，我哋点咗2个土鱿肉饼煲仔饭、1个豉蒜凉瓜炒鳝球。每个餐都可跟1个饮品👍土鱿肉饼煲仔饭$68。上到枱一掀开煲盖，成堆芫茜（因为我唔系芫茜党啫，夹开咗，无嘢）😭见块肉饼唔系大块，而且都好薄吓，大约少过半吋厚... ... 每个煲仔饭只系跟1碟好细碟嘅豉油，都唔系好够😩唔紧要，试吓啲肉饼同饭先，肉饼味道ok呀，只系薄得滞无乜口感。饭方面真系好唔掂，因为饭太多水，根本煲得唔够干身，而且太腍了，我同同事都认为完全唔合格😅（好味嘅煲仔饭嘅饭粒应该要好干身，弹牙得嚟又唔会过硬）豉蒜凉瓜炒鳝球$60。同事话味道都几好👍饮品，我哋点咗热咖啡、冻柠茶、热柠水。热柠水真系吓死人，只有2片极薄嘅柠檬，我同事笃到2片柠檬穿哂都话无乜味，点解水吧师傅刀工好成咁🤣反而冻柠茶有4至5块左右极薄嘅柠檬（仲薄过热柠水𠮶2片）🤣🤣然后我哋食煲仔饭食咗一阵，真系唔够豉油，就请伙记俾多
大角咀大全街一向都好多美食，今日一行3人行过，见呢间潮州菜馆系新开的，款式都几多几吸引，一于试吓。
门口帮手带位嘅姐姐好有礼貌，我哋好快已经坐低咗，而且呢位姐姐好快已经帮我哋落单，我哋点咗2个土鱿肉饼煲仔饭、1个豉蒜凉瓜炒鳝球。每个餐都可跟1个饮品👍
土鱿肉饼煲仔饭$68。上到枱一掀开煲盖，成堆芫茜（因为我唔系芫茜党啫，夹开咗，无嘢）😭见块肉饼唔系大块，而且都好薄吓，大约少过半吋厚... ... 每个煲仔饭只系跟1碟好细碟嘅豉油，都唔系好够😩唔紧要，试吓啲肉饼同饭先，肉饼味道ok呀，只系薄得滞无乜口感。饭方面真系好唔掂，因为饭太多水，根本煲得唔够干身，而且太腍了，我同同事都认为完全唔合格😅（好味嘅煲仔饭嘅饭粒应该要好干身，弹牙得嚟又唔会过硬）
豉蒜凉瓜炒鳝球$60。同事话味道都几好👍
饮品，我哋点咗热咖啡、冻柠茶、热柠水。热柠水真系吓死人，只有2片极薄嘅柠檬，我同事笃到2片柠檬穿哂都话无乜味，点解水吧师傅刀工好成咁🤣反而冻柠茶有4至5块左右极薄嘅柠檬（仲薄过热柠水𠮶2片）🤣🤣
然后我哋食煲仔饭食咗一阵，真系唔够豉油，就请伙记俾多2碟，伙记都有应话会拎嚟，但态度好麻麻！其实𠮶阵时都唔系满座，但叫极都仲未拎嚟，我同同事都有啲嬲，其实唔俾咪话无得再俾啰，唔好咁样应完当无事！最后喺10分钟内叫咗3次，先拎出嚟😔
我真心好想俾劣评，但见佢新开张就算啦，希望呢间餐厅会有改善。
张贴
