影片
更多
2018-09-25
1442 浏览
部门中秋聚餐，今次转食上海菜！第一次嚟金满庭，店内宽敞有好多卡位，最适合4人同行。卡位设于店内两旁，中间就设有大圆枱，当然亦有私隐度高嘅厢房！中间嘅圆枱较迫，同前后都非常亲密，如果一大班人帮衬又想坐得舒服嘅话，就最好预约厢房喇！唔知系咪中午食饭时间人多，人手唔够，冇人传菜嘅关系，大部分嘅𩠌菜都只系暖暖地，唔太热 中菜始终都系热食最好嘛！因为部门聚餐，今次就叫好多饱肚嘅淀粉质！回锅肉炒年糕 - 一次食晒两大皇牌，回锅肉唔热，所以年糕都硬咗少少。味道方面同传统三六九相比就略为淡口啲，突显唔到上海菜嘅浓油赤酱嘅特色！金砖豆腐 - 粉浆好薄，豆腐本身非常嫰滑，唔会死实实咁。但同样地因为唔热嘅关系，外皮就唔够脆，而且粉浆基本上系冇味嘅，只系炸好后洒上七味粉，所以非常清淡。皇牌小笼包 - 暖暖地易入口，味道鲜美。柚子鸡 - 即系炸鸡上面淋上柚子汁，炸鸡炸得干脆，柚子汁清爽解油腻，同炸鸡系绝配！咕噜肉 - 香脆味浓，甜甜酸酸，应该无人会唔钟意嘅！银牙肉丝炒面 - 弹牙蛋面用中火煎成面饼，煎到脆卜卜，淋上银牙肉丝汁，令到一碟面有脆、弹牙两种口感，赞素菜春卷 - 春卷皮比一般酒楼厚啲，配全素菜（椰菜，甘
第一次嚟金满庭，店内宽敞有好多卡位，最适合4人同行。卡位设于店内两旁，中间就设有大圆枱，当然亦有私隐度高嘅厢房！中间嘅圆枱较迫，同前后都非常亲密，如果一大班人帮衬又想坐得舒服嘅话，就最好预约厢房喇！
唔知系咪中午食饭时间人多，人手唔够，冇人传菜嘅关系，大部分嘅𩠌菜都只系暖暖地，唔太热 中菜始终都系热食最好嘛！因为部门聚餐，今次就叫好多饱肚嘅淀粉质！
回锅肉炒年糕 - 一次食晒两大皇牌，回锅肉唔热，所以年糕都硬咗少少。味道方面同传统三六九相比就略为淡口啲，突显唔到上海菜嘅浓油赤酱嘅特色！
金砖豆腐 - 粉浆好薄，豆腐本身非常嫰滑，唔会死实实咁。但同样地因为唔热嘅关系，外皮就唔够脆，而且粉浆基本上系冇味嘅，只系炸好后洒上七味粉，所以非常清淡。
皇牌小笼包 - 暖暖地易入口，味道鲜美。
柚子鸡 - 即系炸鸡上面淋上柚子汁，炸鸡炸得干脆，柚子汁清爽解油腻，同炸鸡系绝配！
咕噜肉 - 香脆味浓，甜甜酸酸，应该无人会唔钟意嘅！
银牙肉丝炒面 - 弹牙蛋面用中火煎成面饼，煎到脆卜卜，淋上银牙肉丝汁，令到一碟面有脆、弹牙两种口感，赞
素菜春卷 - 春卷皮比一般酒楼厚啲，配全素菜（椰菜，甘荀，木耳）馅，唔会成口油，口感清爽！
生煎包 - 包底沾上芝麻，煎到香脆，一口咬住，肉汁四射，口腔内满满肉香，芝麻香气！
锅贴 - 又系唔热，而且煎得唔够脆，以至口感油腻，失望
阔佬炒饭 - 即系瑶柱蛋白炒饭，油咗少少，但炒得干身，味道可以！不过，当食晒所有𩠌菜都未到，催咗两次后至发现漏单，最后再多等廿几分钟，阔佬炒饭应该叫阔佬懒理炒饭至真！
除咗漏单事件外，店员服务其实周到！
回锅肉炒年糕
35 浏览
0 赞好
0 留言
金砖豆腐
42 浏览
0 赞好
0 留言
小笼包
30 浏览
0 赞好
0 留言
柚子鸡
45 浏览
0 赞好
0 留言
咕噜肉
31 浏览
0 赞好
0 留言
银牙肉丝炒面
32 浏览
0 赞好
0 留言
素菜春卷
28 浏览
0 赞好
0 留言
生煎包
21 浏览
0 赞好
0 留言
锅贴
25 浏览
0 赞好
0 留言
阔佬炒饭
39 浏览
0 赞好
0 留言
张贴
