影片
更多
2022-04-06
2861 浏览
Hugo's (Hyatt Regency) @ 2022年2月 (平日午餐）食物 ❤️❤️❤❤🤍（西式） 环境 ❤️❤❤❤❤（舒适、有空间感）服务 ❤️❤️❤❤🤍（正常）攞位 ❤️❤️❤🤍🤍（2星期前于上网订座）交通 ❤️❤️❤❤️❤️（经K11商场去酒店电梯）翻兜 ❤️❤❤🤍🤍好耐好耐之前食过，听讲话宜家超难book，所以想再去感受吓。一 book之下，发现原来只系weekend brunch难book，所以book返weekday午餐算了。午餐有三度菜（仲有餐包🥐同餐饮☕️）：1️⃣ 头盘：可选a)是日餐汤或b)自选冷盘。如果拣自选冷盘（有沙律🥗、cold cut、parma ham之类），佢哋会推架餐车过嚟俾你拣（有啲似以前中式酒楼嘅点心车）。好多选择，花多眼乱，好彩佢无限你选几多款冷盘，食得落，可以样样都试吓。2️⃣ 主菜：你可以喺menu拣想食嘅，唔同主菜有唔同价钱😉😋 听讲佢哋嘅signature系烧美国顶级牛肋骨肉（Roasted US Prime Rib of Beef) 🥩HK$695，所以我哋都试吓。上枱时有厨师过嚟，喺餐车切畀你。份量好大，伴碟仲有Yorkshire pudding都同焗薯。
食物 ❤️❤️❤❤🤍（西式）
环境 ❤️❤❤❤❤（舒适、有空间感）
服务 ❤️❤️❤❤🤍（正常）
攞位 ❤️❤️❤🤍🤍（2星期前于上网订座）
交通 ❤️❤️❤❤️❤️（经K11商场去酒店电梯）
翻兜 ❤️❤❤🤍🤍
好耐好耐之前食过，听讲话宜家超难book，所以想再去感受吓。一 book之下，发现原来只系weekend brunch难book，所以book返weekday午餐算了。
午餐有三度菜（仲有餐包🥐同餐饮☕️）：
1️⃣ 头盘：可选a)是日餐汤或b)自选冷盘。如果拣自选冷盘（有沙律🥗、cold cut、parma ham之类），佢哋会推架餐车过嚟俾你拣（有啲似以前中式酒楼嘅点心车）。好多选择，花多眼乱，好彩佢无限你选几多款冷盘，食得落，可以样样都试吓。
2️⃣ 主菜：你可以喺menu拣想食嘅，唔同主菜有唔同价钱😉
😋 听讲佢哋嘅signature系烧美国顶级牛肋骨肉（Roasted US Prime Rib of Beef) 🥩HK$695，所以我哋都试吓。上枱时有厨师过嚟，喺餐车切畀你。份量好大，伴碟仲有Yorkshire pudding都同焗薯。肉质同口感都OK，不过，如果钟意食Prime Rib，可能有其他更好地方。
😋另外仲叫咗个香煎鲈鱼 HK$520
3️⃣ 甜品🍰：到食甜品时，佢哋会推架甜品餐车过嚟俾你拣，而今次最多只可以拣两款。另可拣两种水果伴碟。如果想buy time等个胃落吓格，可以拣焦糖炖蛋，因为佢需要时间加热返先上得枱。不过，始终佢哋可能以主菜最出名，所以唔好对佢嘅甜品有太大期望会好啲。
整体感觉系：好多野食，配合香港人果句，有得拣先至系老板。基本上，未去到杯餐饮，已经捧住个肚。
订座及用餐小贴士：
1️⃣ 如果订星期一至五（平日）嘅午餐，可于CHOPE订座，最好嘅提早两个星期左右book。如果要订周末brunch，听讲之前啲booking好full，打电话又唔通，听闻佢哋优化咗个订座系统，今年开始可以去佢哋个官网订座，但系要俾订金。
2️⃣ 喺confirm booking时，佢会问你驶唔驶预订Roasted US Prime Rib of Beef，有兴趣就同佢讲定
3️⃣ 如果拣自选冷盘，由于疫情关系，佢哋会要求你带返口罩先拣。但果阵时通常都已经食紧餐包，会有啲手忙脚乱。😵💫拣完之后，啲餐包已经冻晒😆
食物
餐牌
免责声明：上述纯粹个人观察/ 经验/ 体验/ 👀👂👅👃🏻/ 感受。只供参考。如有雷同，实属巧合。
张贴
