影片
更多
2023-07-30
1324 浏览
旺角呢个新商场开咗咁耐都未试过喺呢度食嘢，今日行过见到有间日式边炉放题，一于嚟试试佢。入到嚟嘅环境都几舒适，全部都系卡位/梳化位，啱晒人慢慢食慢慢倾。上网见到呢间嘢嘅特色，系可以自己整下啲甜品，除咗普通嘅雪糕之外，仲可以整吓格仔饼。不过我哋最后食得太饱，完全冇位置去俾我哋试吓自己嘅手势，唯有下次先啦。我哋叫咗个澳洲和牛牛小排set，呢个set total会有六款牛，两款猪一款鸡一款羊，同埋七款海鲜俾你拣。除咗你个set包咗嘅嘢之外，出边仲有好多菜呀丸呀系比你自己自助去拎嘅。一坐低，当然系每款牛都叫嚟试吓先啦。然后最好味嘅系呢个澳洲和牛牛小排，佢唔似你平时啲日本嘅和牛咁肥，但系食落个口感都比较滑身同软身。另外一款就系呢个安格斯牛小排，佢个口感食落会实净啲，但系牛味就会重好多。而另外佢呢度啲鸡都几好食，因为佢系腌咗嘅，食落去都好滑身。然后佢个猪肉都几香，望落去好似好白好多肥膏，但系食落去系爽口嘅。海鲜方面我净系拣咗其中三款，分别系大八爪鱼，黑鱼片同埋带子。个大八爪鱼切到一粒粒，变咗一口八爪鱼，所以唔好渌太耐，啱啱好嘅话就好好味。汤底方便我哋一个叫咗寿喜烧一个系大蚬汤，佢啲蚬都好大只好鲜甜，
入到嚟嘅环境都几舒适，全部都系卡位/梳化位，啱晒人慢慢食慢慢倾。
上网见到呢间嘢嘅特色，系可以自己整下啲甜品，除咗普通嘅雪糕之外，仲可以整吓格仔饼。不过我哋最后食得太饱，完全冇位置去俾我哋试吓自己嘅手势，唯有下次先啦。
我哋叫咗个澳洲和牛牛小排set，呢个set total会有六款牛，两款猪一款鸡一款羊，同埋七款海鲜俾你拣。除咗你个set包咗嘅嘢之外，出边仲有好多菜呀丸呀系比你自己自助去拎嘅。一坐低，当然系每款牛都叫嚟试吓先啦。
然后最好味嘅系呢个澳洲和牛牛小排，佢唔似你平时啲日本嘅和牛咁肥，但系食落个口感都比较滑身同软身。
另外一款就系呢个安格斯牛小排，佢个口感食落会实净啲，但系牛味就会重好多。
而另外佢呢度啲鸡都几好食，因为佢系腌咗嘅，食落去都好滑身。然后佢个猪肉都几香，望落去好似好白好多肥膏，但系食落去系爽口嘅。
海鲜方面我净系拣咗其中三款，分别系大八爪鱼，黑鱼片同埋带子。
个大八爪鱼切到一粒粒，变咗一口八爪鱼，所以唔好渌太耐，啱啱好嘅话就好好味。
汤底方便我哋一个叫咗寿喜烧一个系大蚬汤，佢啲蚬都好大只好鲜甜，不过呢啲汤就有啲咸，如果啲嘢食太吸味又渌的太耐就会超级咸。
除咗呢啲打边炉嘅食材之外，佢仲有几款唔同嘅熟食系任食嘅，但系就主要都系炸物为主，略嫌佢啲炸物唔系好够热，如果热啲嘅话就更加好啦。
因为佢个炸鸡都几唔错，唔会话一大堆粉浆。
饮品方面，佢哋啲汽水系用汽水机，而其他饮品都系凉茶同埋自家制嘅冷泡茶为主，俾大家清热气。
张贴
