Hygge (已結業)

之前喺某杂志嘅网站见到呢间cafe嘅甜品超吸引 就即刻约埋港女朋友一齐嚟食 仲可以打卡影相添 间餐厅用咗好多木同石屎去装修 极度文青 而且灯光昏暗 好适合倾偈 前菜叫咗个蒜蓉法包 够晒香脆同香口 酥炸鱿鱼圈配黑松露沙律酱 呢个极度推荐 黑松露劲大堆头 好奢侈 酥炸嘅鱿鱼圈点埋黑松露同沙律酱一齐食劲香口惹味 而且黑松露嘅味道停留喺口腔好幸福 西班牙乳猪配沙律菜 西班牙乳猪个皮劲脆卜卜 而且份量唔细 不过有啲肥腻 要去除皮下脂肪先食 感觉冇咁内疚 肉质好滑 腌得超入味 而且多肉汁 系乳猪嘅威力 沙律菜配上沙律醋 好清新 可以一解乳猪嘅油腻感 大虾意粉 个意粉少少微辣 好开胃 大虾够鲜味 而且新鲜度 十分弹牙 芒果乳酪沙冰水 蜜桃乳酪沙冰 两个生果味都好浓郁 配上乳酪 清新唔太甜 沙冰好幼滑 入口即溶 到咗主角甜品 呢个甜品系用糖胶做成气球嘅外壳 然后入面打上氦气 吸入之后再讲嘢可以变声 超得意 不过要劲快手食 所以我都冇影到相呀 哈哈埋单六百几 两个人食得超饱 仲有得玩变声气球甜品 好可爱