千房 (已結業)

第一次去T.O.P.呢个商场食野，估唔到会黎左呢个咁得意既地方！以前去大阪🇯🇵旅行试过食一次，而家系香港都有得食餐厅不难找，日式风味的感觉一入到去会见到多个师傅煮野食，开放式厨房，想睇佢地煮野食记得要坐吧台，但冇得自己整diy大阪烧的。我同朋友都拣左二人座，每个setting都会有一个迷你铲，好cute睇完menu就可以自己写纸落单。当然要试下玩diy大阪烧啦！点左呢个特盛海鲜大阪烧（$88），海鲜包括虾、带子、鱿鱼。感觉黎到唔多料，但食落就好丰富好饱。计时器俾埋你可以自己慢慢玩！其实一啲都唔难，应该好少人会失败😂最后唧酱洒木鱼花就点影都靓仔！食落好足料，仲以为唔大块会唔够食，好彩嗌左一块咋！味道都唔会太重面粉味，有蛋香！海鲜几新鲜，可能系因为我火候把握得好😈除左大阪烧，当然要试埋其他食物啦。小食方面点左呢个香脆铁板饺子（$50）。外型好可爱，钟意香口重口味呢个必点然后都点左一份酱烧日式炒面（$68），佢会成份系你面前放上铁板，然后再即场唧沙律酱表演，好有趣又靓。炒面色水均匀，感觉有心机炒，多几块豚肉会再开心啲！总结系大约每人一百几，有得玩有得食仲要好味，冇得输！不过唔太适合一大班人黎