影片
更多
2019-01-22
39 浏览
话说早几日有个朋友话揾到一个新地方有得食又有得玩boardgame，难得大家都有时间就梗系出嚟聚一聚啦！我哋一行六个人，最终嗌咗个party set。Boardgame Corner，麻雀虽小五脏俱全。一个set会包两渣饮品， 左边系金桔柠檬， 右边系芒果汁，味道清新，都几好饮。第一个上枱嘅就系田园沙律， 上面配有麻酱， 整体嚟讲几开胃，不过不失。然后就有一个芝士薯条， 一拎到埋嚟已经闻到有好香嘅芝士同埋薯条味。食落去热辣辣， 而且唔会淋， 好明显系新鲜炸出嚟嘅，好味。再嚟就一个猪颈肉同埋鸡肉串烧嘅拼盘， 鸡肉串烧都ok， 但系个猪颈肉都几好食，个厚度啱啱好， 唔会觉得好油腻。然后再嚟多一个小食拼盘，有鸡翼，咖哩角，粟米墨鱼饼同埋鸡翼。分量好足每个人都食到， 而且唔会食得好饱。依个就系今餐最后嘅小食啦 — 芝士焗蔬菜。 对比起上边嘅煎炸小食， 呢个小食可以帮大家清一清啱啱食完煎炸食物嘅油腻感。最后就有两个主菜 鲜茄猪扒饭同埋 黑松露海鲜意大利饭，份量同小食一样都好十足，鲜茄猪扒饭入边 啲猪扒有用得香茅腌制，所以食落去好香。而黑松露海鲜饭更加一绝，净系睇相都见到佢用料十足， 而饭粒好有嚼
Boardgame Corner，麻雀虽小五脏俱全。
一个set会包两渣饮品， 左边系金桔柠檬， 右边系芒果汁，味道清新，都几好饮。
第一个上枱嘅就系田园沙律， 上面配有麻酱， 整体嚟讲几开胃，不过不失。
然后就有一个芝士薯条， 一拎到埋嚟已经闻到有好香嘅芝士同埋薯条味。食落去热辣辣， 而且唔会淋， 好明显系新鲜炸出嚟嘅，好味。
再嚟就一个猪颈肉同埋鸡肉串烧嘅拼盘， 鸡肉串烧都ok， 但系个猪颈肉都几好食，个厚度啱啱好， 唔会觉得好油腻。
然后再嚟多一个小食拼盘，有鸡翼，咖哩角，粟米墨鱼饼同埋鸡翼。分量好足每个人都食到， 而且唔会食得好饱。
依个就系今餐最后嘅小食啦 — 芝士焗蔬菜。 对比起上边嘅煎炸小食， 呢个小食可以帮大家清一清啱啱食完煎炸食物嘅油腻感。
最后就有两个主菜 鲜茄猪扒饭同埋 黑松露海鲜意大利饭，份量同小食一样都好十足，鲜茄猪扒饭入边 啲猪扒有用得香茅腌制，所以食落去好香。而黑松露海鲜饭更加一绝，净系睇相都见到佢用料十足， 而饭粒好有嚼头，口感好好。
总括嚟讲呢度系一个好适合大家约埋一齐聚会嘅地方，有得食又有得玩，而且坐得又舒服好适合大家喺度倾计。下次再约朋友我一定会拣呢度！
张贴
