螢火

今日同事介绍咗呢间有得食又有得玩仲有得饮酒嘅日式餐厅，我就好好奇究竟有啲乜嘢咁好玩呢，所以怀住个兴奋嘅心情去试下啦！一入到餐厅之后见到左手边有个荧幕，原来可以畀啲客人喺ipad上面写啲字，然后就可以投影去到荧幕入面嘅天灯上面，又真系几好玩好过瘾😆见到呢间餐厅仲有得食铁板烧，仲有两间房可以比客人book，不过今餐我就选择咗清清地食寿司，午市都只系$328一个人。原来而家仲做紧萤火感谢祭多重优惠：1️⃣全日指定清酒免费任饮 （午餐90分钟，晚餐120分钟），2️⃣厨师发办十六品晚餐（原价$1380/位），现推出优惠「二人同行，一人免费」。咁夜晚嚟食都唔贵wor😋前菜鸣门卷，鱼饼，萝卜，清清地作为呢餐嘅前奏都几好☺️带子寿司好新鲜好滑，落咗豉油好吊起鲜味。油甘鱼寿司肉质几爽口，食得出好新鲜，仲散发出淡淡嘅油脂香，唔会肥腻。吞拿鱼寿司肉质好滑，都算几肥美。金目鲷寿司同样系好滑身，同吞拿鱼相比就冇乜油脂香，食完都唔会有邪恶感😆蒸蛋味道好浓郁，里面见到落咗蟹肉丝，三文鱼子，鱼子酱，一啲都唔马虎。火炙左口鱼烧过之后好香，食落好juicy！银鳕鱼，乌鱼子粉鱼脂香好出，加上粉甜甜地，口感好match牡丹虾口感好滑