M Square

营业中

休息中

好朋友英国返来想去西贡hea 下，除咗同佢周围行吓之外， book咗呢间餐厅，因为网上见到好多评语都话食物质素好好，而且有啲游乐设施可以比小朋友玩。首先点咗个沙律，非常清新，蔬菜好新鲜酱汁酸酸地够晒开胃，另外原本以为冇乜特别嘅炸鸡翼，但点左餐厅特色酱汁，味道酸酸甜甜，特别好食。主菜carbonara酱汁好浓郁，小朋友最钟意嘅菜式，好味道个个争住食。而我哋大人就食冬阴功意大利饭，将泰式菜变成意大利菜，感觉好特别，而且出奇地夹，最后Pizza唔使讲一定好食，因为即叫即整，好多芝士之余仲好香黑松露味。朋友都食得好满意。食完饭小朋友就去玩，我哋大人就饮野倾偈，餐厅除咗可以打机、足球机连桌球都有，慢慢玩返一个钟都无问题，呢间餐厅真系好好hea ，希望下次佢哋返嚟嘅时候再嚟呢度食餐饱hea餐饱。