榕記火焰雞煲私房菜

营业中

休息中

住左坑尾咁耐都未有时间去食，到就嚟搬走先去食，好有惊喜😄本身book左第2次先有冷气位，真系天意，临搬果日前一晚先book到😂原来无得即场落单，要预先叫定嘢食，但因为无价钱，唔敢叫大多。叫左蟹、肥牛、桶蚝、贡丸同芝心丸。6:30左右同老公过去食，见到已经有1枱客食紧。入到去有人讲解点食个煲（我估应该系老板），开始时老板会倒枝双蒸落煲，差唔多味阵就点火。老板好有Nice，到时到候会过黎帮你、提你有咩系可以食得。食鸡食到差唔多老板会帮手加汤，个汤都好特别系粟米红萝卜蔗汤，成个汤都好清甜，唔好太油。平时食开鸡煲，俾我感觉好咸，好多酱汁，重口味为主，今次个鸡煲主角系冻枝双蒸，配料有少量虾、蚬、猪膶等等，仲有特别配料有蔗、马蹄同虫草花等，个配搭真心好好食，好清甜，唔重口味😋🤤鸡肉好嫩滑🤤蟹肉甘香清甜🤤虾系甜架🤤虾无沙，好好味🤤肥牛厚砌，好有牛味🙊惟一系失色嘅系自己叫嘅桶蚝同丸☹️桶蚝唔够新鲜、贡丸有啲油腻味。但整体个鸡煲真系好好好食，不过埋单有小贵。