東寶小館 (已搬遷) 新店位置

听讲东宝小馆除左野食得之外，仲有表演睇，今日食过之后真系闻名不如见面。先讲野食，total叫左4样野。1. 蟹籽粉丝(必食)，用煲上既粉丝唔会好干，条条分明，充满蟹籽，味道浓郁。2. 风沙鸡(必食)，肉质嫩滑，咬落有肉汁，味道亦好好。3. 腐乳炒生菜头，第一次食生菜头，以为会好硬点知炒得好腍👍🏻。4. 鸭汁糯米饭，系生炒糯米饭加鸭汁，浓而不腻，食过番寻味。讲番个表演，大概八点几开始，场内音乐会突然好激昂，现场观众的情绪变得高涨。东宝老板就会出黎跳MJ舞，邀请客人一齐跳同饮酒。虽然埋单会比一般小菜地方贵，但绝对值回票价。