寢宮

营业中

休息中

寻晚一行三人去左间喺诺士佛台既上楼餐厅食野，贪佢有酒饮有野玩有得食，又可以唔嘈既地方下吹水。有一张美式桌球，等野食既时候玩左阵。叫左支Torbreck Woodcutter's Shiraz，fruity啲系几易入口，大家都岩饮。香蒜辣椒柠檬汁炒虾，虾好弹牙，蒜唔多作调味用，所以无抢到虾既味道，唔太辣几好食。香蒜辣椒炒牛柳粒，好腍好香肉味，加埋蒜蓉令到牛肉更好味。香草炸鱼条配柠檬汁，食落似大条版既白饭鱼，非常香脆可口。每人一份沙律，菜都好fresh，只系落左少少橄榄油无咁dry。个汤好特别，好似溶哂既薯仔汤但无薯仔味，绿色既汤饮落几好味。香煎大虾配辣椒蒜香意粉，虾大只爽口，意粉无炒到干哂，味道偏辣，整体黎讲几好味。焗酥皮羊扒，用酥皮包住令到块皮索哂啲羊味，羊扒肥美肉嫩，膻味点都会有少少，但唔膻就唔系羊吧。慢煮西班牙黑毛猪鞍配鹅肝，猪鞍肉嫩多汁，肉质软腍。