焱咲自煮理平板燒概念店 (已結業)

哥哥朋友仔生日，去咗荔枝角一亲子餐厅庆祝，刚刚开业时去过，已经是年半前嘅事，印象中食物好有惊喜，而小朋友有个舒服环境玩，大人可以好好享受用餐，唔记得当时有无介绍过，不过各下大报章杂志亦有，相信大家唔会陌生。重踏旧地，我哋小朋友大咗好多，一入去已经急不及待入游戏室玩，入去前工作人员有量体温，亦有要求消毒双手，小朋友玩亦好留意佢哋安全，大人的确可以放心食。而食物方面，系无调味食材自己用平版烧，可以自己去加调味料，任自己喜好去煮，食材一份份准备好，有海鲜、肉类及蔬菜等，可能上次去过，今次跟上次一样，少了点惊喜，但一样是味美。3岁以上有儿童餐，十分丰富，食材跟大人餐差不多，而且非常大份，一定填饱肚，用餐前会教做寿司卷，几有趣，小朋友都好享受制造过程，用寿司卷食饭总比一匙匙快，好主意。服务方面都十分贴心，各方面亦安排妥善，亦用心讲解，用餐时出现了些小插曲，亦一一恊助解决，感觉是以客为上，用心经营。环境就比印象中细咗，今次已经唔系全院满座，但走动时亦要避免阻挡其他人，而且坐长枱，走动有d唔方便，好彩儿童室有cctv，可以由萤光幕见到小朋友，都好放心。