Seek

营业中

休息中

好耐冇写过食评喇...今次写主要系觉得要留住有心嘅小店🥹 真系希望大家支持吓！因为喺附近返工，老实讲，科学园都食到口淡淡啦⋯⋯啲嘢又唔平、食物质素又有待改进...而呢间小店就系同事先介绍话咖啡好饮，去试咖啡先嘅～又真系有惊喜㖞，需知道咖啡摊冻咗都好饮系件好难得嘅事。去咗几次之后就发现原来有堂食！望落去堂食唔多人得几枱客，都系附近居民，有老人家（好潮）又有外藉人士又有小朋友，心谂应该唔错🤩 而且试业期间仲有九折即免加一。一坐低侍应就会斟室温柠水（几好），用QR code落单后，即叫即煮，感觉都冇等好耐就嚟咗😍 同同事都叫咗明太子海鲜意粉，意粉口感弹牙，酱汁好足，卖相唔错，香气扑鼻，口感...满足。我本身就唔识分海鲜系咪新鲜定急冻，只有弹牙爽口好食同发霉冇口感难食。我推堂食咁紧系前者啦！🥰好味呀！斋啡一如以往水准发挥💓 埋单𠮶阵忍唔住同型女barista(真系好型）赞下佢哋🥹 等佢哋都有信心继续做落去！开心。