好運泰國美食

营业中

休息中

限聚令之下，想一家人晚餐只能够嗌外卖。上个星期五就试咗呢间系新蒲岗嘅泰国嘢，之前都唔系好留意到有呢间餐厅，依家一试，实在有惊喜。当晚嗌咗泰式海南鸡髀饭，泰式牛肉炒金边粉，泰式鸡肉炒金边粉同埋一碟马拉盏通菜。由于天气都转冻，当然期望食一啲热辣辣嘅美食，见到饭盒啲蒸气就知道呢间餐厅唔会令人失望。餐厅距离屋企大概15分钟左右路程，但系去到屋企仍然保持到温度。海南鸡髀饭非常足料，鸡髀啖啖肉，而且肉质嫩滑，油饭亦都非常香。餐厅亦都非常细心，附送左唔同嘅配料调味。马拉盏通菜炒得好入味，同时通菜仲保持到翠绿，重点系份量非常之足够，填满晒整个饭盒。泰式牛肉炒金边粉做得好有水准，忍唔住食晒。至于泰式鸡肉金边粉，非常之有惊喜，并唔系成日会见到嘅鸡柳而系真鸡。