麻甩爐海鮮雞煲私房菜 (安樂樓 (已結業)

今日中午喺大埔返工， 路过呢一边， 见到呢间鸡煲一直都有开咗喺度， 但未试过食。 原来佢连中午都有做， 价钱又几合理， 50蚊左右一个餐， 于是就入去试下。小店卡位都坐得几舒服， 如果夜晚一班人嚟打边炉都几开心㗎。今日我就试食咗呢个药膳鸡 汤乌冬， 单系睇个汤已经算唔错， 药材味唔系话非常之浓， 唔会话好有苦涩味， 从佢见到啲鸡油浮喺面， 仲有汤底嘅颜色， 就知道系要系用心用时间去煲，先做得到。另外成碗面仲有好多大大嚿嘅鸡， 啲鸡煮得好冧， 唔会话有雪味， 茶记嘅格局做到咁嘅 药膳菜色，算系做得几好。希望下次有机会嚟食打边炉， 试埋佢哋啲鸡煲， 一个简单嘅午餐都做得咁好， 夜晚打边炉嘅鸡煲一定系高水准， 期待。