今鮨 (已搬遷) 新店位置

为怕限聚令放宽后街上及食肆内会变得人多挤迫，肥肥家族就提早几日于周四晚预祝母亲节，地点就大肥爸爸留喺中环，一家四口去试佢公司附近一家寿司屋「今鮨」。位于万年大厦嘅餐店交通绝对方便，只系藏于一楼嘅暗角未必咁起眼。小店并无花巧之装潢，以木为主嘅间隔简朴得黎仍渗出和风嘅味道。步入正门，右方为可容纳十二人嘅寿司吧，由三位师傅所掌舵。相片可能有点儿模糊，但其实客人与客人间都摆放咗一块透明胶板作隔开之用，卫生意识够强，抗疫果然有计。左边则有两张四人散枱。大肥教落，食寿司一定要坐寿司吧先可品尝到海鲜最新鲜嘅一面。吧位嘅桌上有自用餐巾及木筷子，简单但已足够。场内只有经理哥哥一人负责落单、上菜、斟添酒水，但其效率确真奇高，而且细心周到。可令别号为「水怪」嘅XO仔只酒杯及茶杯长期保持常满状态，实属难得！入座后除咗热茶之外，仲有湿纸巾一张。为颂亲恩，小肥特意自备咗两枝靓靓妈咪最爱饮嘅佳酿清酒。正常开瓶费要额外收取$300/樽，但当师傅得悉晚餐主题为庆祝母亲节时，佢就好大方咁即场免咗佢，以作其小小心意，好客之情多么的温馨！晚市餐牌只有「厨师发办寿司刺身」（$1,980/位）及「厨师发办寿司」（$1,680/位