心之食堂 (裝修中)

今日第一日入职，所以要揾间餐厅请朋友食餐饭庆祝一下。放工就去咗时代广场𠮶边行吓，上网查下有咩好食，就揾到呢一间日本餐厅，佢喺铜锣湾伯乐中心里面。呢间系一间小店，座位唔算太多，但系好精致。餐厅墙上面挂住嘅小单车好别致，俾人感觉好似一间咖啡室。呢间餐厅好环保，落order系可以用水笔写喺餐牌上面，之后抹返就可以再重用。我哋两个都好饿，所以一坐低就睇主食。叫咗一个原条鳗鱼石锅饭同香草猪颈肉乌冬。原条鳗鱼石锅饭好好味，鳗鱼好长，亦都好厚身，酱汁亦都味道浓郁。因为用石锅呈上，所以仍然keep住个热度。香草猪颈肉乌冬份量就比较少，但系猪颈肉就真系真材实料，用好多香草腌制，每一啖都充满香草味道。铁板黑松露带子，粒粒都好大只，煎得好香口，配上黑松露，味道更出，系前菜嘅首选。芝士炸鸡铺满好多芝士，能够拉丝，味道OK，但如果炸鸡能更香脆就更好。呢度嘅推介就系心知火焰铁板牛柳粒，呢个真系必食！佢会首先用火烧一烧牛柳粒嘅表面，斋睇个样已经够呃like。味道够，牛柳粒好谂身，一啲都唔un，酱汁亦都好浓郁，连青椒同红椒都入哂味。我最后连伴碟既烧菠萝都食埋。大阪烧味道唔错，整成心形，卖相几好。里面有好多蔬菜粒同章鱼