三姐廚房私房菜 (已結業)

老实讲, 小弟食私房菜嘅次数真系少之有少, 今次黎到三姐私房菜, 真系要好好记录落黎!!朋友预先订左位, 呢度就系当日嘅menu!首先系有机沙津菜伴芝麻酱, 新鲜爽口, 加埋味道唔会太浓嘅芝麻酱, 系一个perfect start!接著落黎嘅系鱼子酱溏心蛋配炸茄子。溏心蛋质感好滑, 加上鱼子酱更加名贵。而炸茄子亦相当出免, 脆而不腻, 配上特制酱汁, 正呀!花胶猴头茹炖汤, 全部都真材实料, 花胶亦相当大件, 所以令到碗汤特别好饮!!嬉水芙蓉: 蒸蛋加上豆腐, 质感非常好嫩滑, 一放入口, 几乎就要滑到落食道XD 上面仲要有几粒烧带子，带子好大粒好新鲜黑松露炒斑球: 斑球肉好大件, 味道亦不错。而菇类亦吸收到鱼嘅鲜味同埋黑松露嘅味道, 令平平无奇嘅菇增添色彩!全晚嘅主角, 三葱鲍鱼。沙窝啫啫啲鲍鱼同洋葱葱头, 令到原本爽口弹牙嘅鲍鱼香气更浓郁, 咁有获气、咁更嘅食材, 如果一人有4只, 咁就更加好!!陈皮骨炸得松脆，而亦唔会太油腻。味道名付其实, 系充满陈皮味，亦相当特别嘅一味𩠌菜!总括黎讲, 呢度啲菜式都系相当之有心思, 款式亦都唔系坊间常有, 因有如此, 先至会有咁多人慕名帮衬!