魚蝦蟹 (已結業)

有同事话上个星期歌赋街开咗间新餐厅，食过觉得几有心思同性价比高，今日走过嚟试吓。餐牌选择唔多，店员话因为新开，迟啲会多啲，今次就试咗个虾仁肉碎蛋花粥。野食嚟到嘅时间又真系有啲惊喜，成盘野咁上。视觉上好满足，除咗主菜，仲有面豉鱼汤，两款前菜，一碟炒菜和生果。个粥口感好丰富，有好多肉碎同虾仁，而且好香可能因为加咗蛋，捞埋紫菜碎一齐食仲好味。而其他配菜都唔差，尤其系话梅味蕃茄仔，非常开胃。下次可以再黎试其他野食。