睿居酒屋 (已結業)

旧年同朋友食过睿日本料理，一直好想翻桌，今次约反同一个朋友试下佢另一间叫睿居酒屋。呢间居酒屋位于大坑，喺铜锣湾行过去都好近，大概10分钟路程。居酒屋门口装修非常有心思，用左好多木材同石去打造，又放左好多唔同种类既植物，好用心。居酒屋入面座位唔多，更加有日本路边居酒屋既风味。居酒屋一定要叫小食，同朋友饮反一两杯，然后畅谈一整晚。今晚我地叫左唔少刺身，每款都好新鲜，难得今晚居酒屋有象拔蚌推荐，点可以错过。真系冇介绍错，象拔蚌上到枱既时候吓亲我，因为啲象拔蚌仲郁紧，我以为我睇错，新鲜到咁都系第一次见。另外，佢啲串烧都好推介，特别系个白鳝，沾个蛋黄食，意外地觉得好搭。最后饮反碗紫菜蚬碗暖暖个胃，真系好满足。