Are U Labeler

营业中

休息中

一直以来我都好支持小店，尤其是系一啲年轻人开嘅。因为通常都会好有心思，所以今次试下呢一间外型 咁特别嘅餐厅 。行到入去两个年轻人好好态度好好招呼咁样叫我哋坐低，然之后我哋睇下个餐牌见到都几得意㖞啲，就嗌咗呢两样嘢一个天使面同埋一份类似特色早餐嘅东西。一杯咖啡一杯蓝色嘅梳打， 咖啡冲得好好饮。而且面头嘅图案都拉得唔错，嘅蓝色嘅梳打放喺张枱上面亦都衬托出一间好有潮流气息嘅餐厅。讲到嘢食 佢哋个天使面煮得ok味道都属于中上，反而值得一赞嘅系𠮶一份特色早餐入面只牛角包，焗得好香又好软熟而且份量十足👍唔会畀人一种贵夹唔饱嘅感觉。无论系几个三五知己去食饭饮嘢还是情侣坐低浪漫一番呢间餐厅都系值得推介嘅。