木船 (已結業)

木船系大埔好出名既泰国菜，次次行过都好多人，今晚朋友坚持话想食，我地就等盒啦。等咗阵都好快入到去，叫咗好多喜欢既野食！Combo小食拼盘有我最钟意的炸虾饼，炸得好香好甜，春卷同墨鱼芧饼都唔错，香口小吃！泰式凤爪沙律，捞得好入味，凤爪都几多下，四个人食每人都有2-3只，沙律小小酸微微唔算好辣，好岩香港人口味。流心芝士虾波波，哗好大粒好似长洲大鱼蛋咁大粒，粒粒都包满芝士，切开一半见到啲芝士拉丝，呢碟小食一上枱一秒就无晒。公车谂霸，即系生虾，好大只，饮质新鲜弹牙！溶岩椰青海鲜焗饭，呢个饭劲有卖相，啲芝士忌廉多到泻出黎，插埋海鲜系椰青上面，视觉画面劲丰富，海鲜有虾、青口、带子等！泰式盐焗乌头，呢条乌头劲入味，配上咗好多香芧、盐、蒜伴系条鱼入面一齐焗，一打开条鱼就劲大阵香味扑鼻，加埋佢调较好的青、红酱汁，呢条鱼真系今晚大家最爱。虽然排咗一阵等位，但食到咁多高质泰菜都算值得一试。