點點心思 (已結業)

点点心思已经帮衬左2年，点心大件夹扺食，绝对唔比出便啲大牌茶楼差!凤爪排骨饭，𩠌同饭比例岩岩好，饭够湿润，凤爪同排骨都好入味，唔会好似X记包点果啲饭咁硬，啲𩠌冻冰冰。菜苗饺亦系一绝，皮薄饀靓，感觉好健康，又大大粒，每次黎都忍唔住叫。今次早餐孖宝只售33元，今时今日出便连个饭都食唔到，呢度真系CP值高。仲有米网卷，虾饺，牛肉球，棉花滑鸡扎，都系必叫点心，有机会再post上黎分享。由于即叫即蒸，基本上都需要等10-15分钟先有得食，但系食物出到黎热辣辣，咩都扺番晒。无奈疫市小店要面临搬铺，可能一搬以后就食唔到喇 😢，希望小店可以加油撑住!香港人加油!