睿日本料理 (已結業)

今日放工系铜锣湾放，心情好好，决定行远少少去大坑食好野。以前试过一间居酒屋烧物唔错，今次试下佢同品牌既日本料理。餐厅闲日唔算多人，可能位置唔系大街，会少啲人发现，好似隐世小店咁，同埋静静地几好首先我地叫左个沙律— 胡麻酱烧豚肉沙律，第一次食烧豚肉既沙律，见到都觉得好有新鲜感，食落超好味！胡麻酱沙律不嬲都系我至爱，而家仲多埋好香滑既猪肉，好好味，调味感觉上除左麻酱仲有啲酸酸甜甜既汁，讲唔出系咩，但就好惹味，超好食，仲好足料好大份。海雕sashimi 又系劲好味，好多块，好钟意只味，食落好清香，绝对系美食。烧牛舌厚得黎好爽口，高质，调味一流烧鱼呢个劲好味，鱼味本来已经好香，又烧到个皮脆脆地，肉滑，好有口感，仲要再加生鸡蛋酱，食法好似寿喜烧咁，但配上鱼食真系第一次，劲好味！再为佢加多种口感。软壳蟹杂菜天妇罗好足料，好多野食！不过因为我好怕净食洋葱 青葵 茄 葱呢啲，所以我少食，但朋友好钟意食呢啲，佢就食到好滋味哈哈最后有寿司每件都几新鲜，特别钟意左右鱼，软稔既口感