Paintable Cafe (已結業)

想要个悠闲假日，当然就瞓到自然醒就去间coffeeshop食brunch。我最钟意去上环d小咖啡店，觉得呢到特别chill。之前锁定咗想试呢间嘅croffle，所以今日一起身就过来。餐厅有open kitchen concept，一路都可以睇住店员准备食物，见到人专注做嘢真系好迷人～饮品我地叫咗我哋嘅最爱：热cappuccino $40 同冻dirty$45。mains我地叫咗带子黑松露蘑菇意粉 $138 同青酱松子仁扁意粉 $98。其实一入门口我已经闻到好香浓嘅黑松露味，佢仲加咗啲洋葱粒，所以更加有层次感，最后我系连啲汤都清埋！个pesto酱都用咗好多basil，又系一种我好喜欢嘅香味！加埋竟然有orange tomatoes！更加清新！甜品我地叫咗香蕉榛子酱牛角包窝夫配雪糕，榛子酱唔会过分死甜，牛角包窝夫即场新鲜制造，外面松脆，内里软身，最特别就系个香蕉面烧左焦糖，好味！最后都要讲讲呢到d装修好少女好可爱，紫色墙身架埋有个可爱手绘墙身，仲有室外位置。