柴門西餐廳

营业中

休息中

今日约左一个好耐冇见的朋友食lunch ，佢话自己屋企附近开左间好似环境几好的西餐厅，所以就去试下。餐厅环境气氛都唔错，虽然唔算真系好fine个种fine dining，但因为柴湾比较少呢种餐厅，所以都ok。同一般餐厅唔同的系老板系俾一个叫蝶豆花水的水我地，而唔系平时的普通水。（虽然饮落都系水味）我同朋友叫左牛扒同羊扒的lunch set。前菜都算几有心机煮，个面包系用干蕃茄制成，送上嚟时微温，外脆内软。个堆菜就冇咩特别。羊扒只系简单用黑椒盐腌，烧汁浓郁，带少少酒味，羊唔算膻，羊味都唔算浓，肉偏鞋，有渣，但脂肪部位重油香，表面煎得可口。牛扒同样用简单黑椒盐腌，整体脂肪布布均衡，油脂既味道亦煎得挥发出黎，每啖都充满牛味，牛扒中心刚好五分熟，表面可口，而𥚃面软熟。