鑑記粥品

营业中

休息中

一间在牛头角街市多年嘅粥店，老板由朝做到黑，有心有力，价钱相当抵食。因为价钱抵，吸引很多公公婆婆及低下阶层，亦可以令佢地有些较平嘅选择而又可以食饱饱，呢样好重要，但现今起各大商场食市而机乎绝迹了，可悲 ，所以我觉得老板有心系因为付出自己努力、辛劳，并不是单纯为金钱、利润，呢D就系真正社会责任了。讲返野食 ，小店唔系好多款式，基本几款传统粥、油器、肠粉、炒粉面。虽然今年年头已经加了价, 但价钱依然超级抵食. 艇仔粥, 超级多料, 有鱿鱼、鱼片、炸米粉、碎牛肉、花生，应该差不多了，多料之余味道亦不错，粥亦好棉，当然热辣辣喇，好味。通常我都会加多个炒面，饱肚D，炒面唔会好油，色泽亦好，面唔'林'唔硬刚刚好，通常炒面一炒完就好快清哂(我估一镬大约二十碗)，你话点解...梗系好味 。其他仲有油炸鬼值得一提，因为呢度D油炸鬼外观依然系油炸鬼但质感似油脷酥，会较为实心又甜甜地。不过，今次冇，因为由于师傅不停手做其他野，跟本冇时间炸，所以真系睇你彩数。