烚時・滾動 (裝修中)

香港嘅大型火锅店好多都试过，今日食一间本土啲嘅火锅小店，支持本土有心人经营。呢间位于太子站附近嘅小店，听店员讲开咗半年左右，餐厅有两层，座位都坐得舒服，而且唔会赶人走，有电视睇，仲可以自己转枱添！最欣赏系小店里面嘅人情味，跟住佢走过来同你吹吹水，又问下你觉得食物点样，感觉佢哋好有心做，食得开心，值得支持！食物方面，佢哋种类都有唔少选择，我哋两个人黎食，平均人头$300， 食物质素好唔错，食到揽住个肚走。我哋叫咗鸳鸯锅，一边系蕃茄薯仔，另一边系清酒煮蚬。蕃茄薯仔汤嘅材料好丰富，而且味道好浓郁，饮得出真系真材实料煲出嚟嘅味道。清酒煮蚬𠮶边味道亦都好好，仲有好多蚬，起码有10几廿只，每只都大大只，好满足。配料方面，手切牛肉我哋只系叫咗半份，但系份量极多，非常抵食，净系食肉都食饱了。手切牛肉嘅肥瘦适中，就算煮得耐左少少都仲系好林。虾滑都算大份，够弹牙，好味道。另外几欣赏呢度嘅配料好多都可以叫半分，就算唔系一大班人嚟食，都可以试多几样配料。韭菜饺同芝心丸我哋都系叫咗半份，分量刚刚好，味道10分唔错。蔬菜盘有三种蔬菜，分别系菜心、通菜、生菜，全部都好新鲜。听店员介绍话呢度椒盐炸鸡软骨好好食，咁我都