心裡有素 (已結業)

今晚同屋企人食饭，拣左呢间素食馆，地方不算大，特别是门口有炉煮煲仔饭，差d以为去错地方。食物味道好，煲仔饭会分开细碗供大家自取，中段会有不同种类快闪食品，今日有咕噜合桃（超正，外面未见过），有老板凌晨买嘅沙糖桔，好甜。炸物够脆，卤豆腐唔咸，啱我口味。芝麻酱冷面好食。粟米够甜。仲有不同嘅饮品，可以解腻嘅菊普，特别嘅陈皮姜茶。临收舖，老板仲叫大家攞埋剩左嘅炒栗子走。老板夜晚有派饭，真系有心又好味嘅舖头。