天奴豬扒餐廳 (已結業)

今日趁女儿小一第一日上学走去教育路附近，放学后贪就脚同埋好耐无嚟过就入去坐低。入到去发现人面全非，应该系顶咗比人。有个口黑面黑嘅即刻问你几位，然后再安排坐响门口好窄嘅所谓四人枱。坐低唔够一分钟，发觉有问题。门口出面露天位食烟客嘅烟飘过来，加上门口成日开关，热气踊入嚟；问可唔可以转位；那个话得事的即刻问我哋几多人。我话四个，佢话有张枱，不过系六人枱。当时又无人要坐，都唔比我。条气最唔顺系过咗5分钟有对情侣入嚟居然比2人坐6人枱。激死! 最后无办法，照order佢哋声称最正嘅猪扒饭；仲有系㗎哩鸡扒饭。饭到，一睇就知猪扒啤水啤得好犀利，加上梳打粉味重，重话系有态度嘅猪扒。饭份量得一细杯，唔够又要加三蚊加饭；汁又少到差不多睇唔到。成碟饭最好都系配菜炸茄子。周边环境又差，门口都系垃圾同烟头。食物同服务跟上手比真系差好多。如果要成四十蚊一个午餐，真系周边好多选择。下次行远小小吧!