影片
更多
2016-03-17
555 浏览
今日系白色情人节，老公早早就book好左餐厅同我庆祝。Gees入面都几靓，有分上层同下层，下层主要比人饮下野，几张bar枱，而上层就系食野既餐厅，仲可以搭lift上。 入到去觉得几有情调，播住英文歌，灯光昏暗，仲有个房仔好似private room咁。但店内座位唔多，所以建议想黎要预先book定枱。 menu唔算好多野拣，有中英文版，不过冇set，要散叫。 餐包有三款唔同既包，左上面薄薄一片既食落口脆脆地，沾埋牛油好香，而右面圆圆地既餐包都焗得好松软，带少少香草既味道，而啡色𠮶块有d似竹碳包。 腌塔斯曼尼亚三文鱼 $118拣左2款前菜试下，伴碟有唔同颜色既蕃茄同沙律菜，食落去都几新鲜，三文鱼外层被煎香了，入口既鱼肉较腍身，配埋d沙律菜食味道都好夹。 Gees自家制黄金蟹饼 $118蟹饼被炸到金黄色，一切开入面就见到一丝丝既蟹肉，而蟹饼入面全部都系蟹肉，完全食唔到壳，一面食一面喺度谂师傅点样可以拆到咁多蟹肉出黎，而且煮完都唔会令到蟹肉松散，啱晒钟意食蟹又懒得拆壳嘅人。蟹肉入口鲜甜，食到有蟹味，真材实料。 美国顶级风干西冷扒(9安士) $398伴碟有黑蒜，烧薯仔同烧露荀，估唔到竟然有
Gees入面都几靓，有分上层同下层，下层主要比人饮下野，几张bar枱，而上层就系食野既餐厅，仲可以搭lift上。
入到去觉得几有情调，播住英文歌，灯光昏暗，仲有个房仔好似private room咁。但店内座位唔多，所以建议想黎要预先book定枱。
menu唔算好多野拣，有中英文版，不过冇set，要散叫。
餐包有三款唔同既包，左上面薄薄一片既食落口脆脆地，沾埋牛油好香，而右面圆圆地既餐包都焗得好松软，带少少香草既味道，而啡色𠮶块有d似竹碳包。
腌塔斯曼尼亚三文鱼 $118拣左2款前菜试下，伴碟有唔同颜色既蕃茄同沙律菜，食落去都几新鲜，三文鱼外层被煎香了，入口既鱼肉较腍身，配埋d沙律菜食味道都好夹。
Gees自家制黄金蟹饼 $118蟹饼被炸到金黄色，一切开入面就见到一丝丝既蟹肉，而蟹饼入面全部都系蟹肉，完全食唔到壳，一面食一面喺度谂师傅点样可以拆到咁多蟹肉出黎，而且煮完都唔会令到蟹肉松散，啱晒钟意食蟹又懒得拆壳嘅人。蟹肉入口鲜甜，食到有蟹味，真材实料。
美国顶级风干西冷扒(9安士) $398伴碟有黑蒜，烧薯仔同烧露荀，估唔到竟然有黑蒜可以食，味道都几浓，而露荀系粗身，烧得几香口，入口好清甜多汁。
西冷扒拣左5成熟，真系好好食，厨师煮得刚刚好，牛扒嫩滑无比，唔似一般既平价货，唔怪得称为顶级，无需要点任何酱汁已经好有牛味，另配有少许盐，沾上的话令牛扒味更锦上添花。
牛肝菌及什菌意大利饭 $68 意大利饭呈杰杰地，饭粒少许硬身，入口有少许什菌的味道，食埋个饭呢餐就饱哂肚。
法式焦糖炖蛋伴牛油核桃雪糕 $60外层脆既焦糖味几浓，入面既蛋都几香滑，如果热d会好食d。而核桃雪糕都甜甜地，好有咬口。
白色情人节食到咁美味而又浪漫既一餐，非常开心。
题外话/补充资料：
去厕所时发现餐厅厕所系自动坐厕😂😂第一次见，好新奇！
(以上食记乃用户个人意见 , 并不代表OpenRice之观点。)
张贴
