Babbo Trattoria (已結業)

出开铜锣湾拎礼品，选择了于这间西餐厅午膳。餐厅用咗射灯同壁灯采光，营造了有情调嘅气氛。12点至5点有lunch set供应，每个套餐有四个项目，包括汤、沙律、主菜和餐饮，平均计好似好抵。我哋叫咗两个套餐。出餐速度超快，汤、沙律和餐饮于落单后5分钟内已送到，主菜亦紧随其后上枱，十分适合繁忙的都市人。主厨汤餐汤应该系杂菌忌廉汤，菇菌分量超多。凯撒沙拉以为系细细碟嘅前菜，原来好大碟。沙律菜新鲜翠绿，配有烟肉粒，沙律醋汁唔太酸，配搭得宜。主菜-酥炸牛排佐吞拿鱼酱汁第一次食炸牛扒，仲要配吞拿鱼酱，好特别。吞拿鱼酱中食到啖啖吞拿鱼肉。配菜有火箭菜、蕃茄、洋葱和薯仔，好丰富。主菜-西西里番茄海鲜配有外脆内软嘅面包，可醮充满海鲜鲜味嘅番茄浓汁食。最爱碟上嘅爽脆大虾。餐饮-热绿茶餐饮有四个选择，我们都选了热绿茶，好少餐厅有，特别啲。绿茶味好清香，配有方糖另上，适合嗜甜者。店员很有礼貌，皮座位很舒适，平民价钱，高格调嘅享受。