悅滿軒

第一道上台就系蟹汤配餐包。餐包搽埋个牛油食就好香口，点蟹汤食就有另一个味道。个蟹汤好浓蟹味，上面有少少蟹肉，饮落蟹味更浓。推介！海鲜烩饭份量唔算少，带子外面煎到金黄入面唔会干，重有好香嘅带子味。个虾就剪咗d脚，用刀叉去剥壳都好易，两只都大大只。个意大利饭加埋蕃茄去煮，酸酸地几开胃。油鸭脾个皮好脆，轻轻用刀压一压都听到有声。本身谂住个皮好似乳猪咁，有d嘢咬下，点知入口即溶。点埋个焦糖苹果汁食，会冇咁滞，间唔中食下d苹果同提子干可以清一清个口d油腻感。值得一试。