BnR (已結業)

行经荃湾广场，正值Lunch 时间，见到呢间米线都几多人食，同埋装修好新净，于是决定帮衬下。见到Menu，米线汤底都几多选择，有鲜鱼、浓鸡、冬阴功汤底，好奇心驱使，加上本身自己几中意饮冬阴功之下，决定试下个冬阴功汤底海鲜米线，抱住必死决心，因为感觉上冬阴功同米线又好似唔多夹，怪怪地，但估唔到，食完第一啖米线，饮埋个汤，两者又出奇地夹，同埋好味，而入面虾、墨鱼，食落弹牙新鲜。见到周边都叫左波波鸡饭，决定跟风试埋，波波鸡饭其实都系海南鸡饭，但特别在饭会搓成四个波，好得意，食落饭好香。而海南鸡鸡肉好嫩滑，湛埋酱汁，味道就岩岩好。另外，叫埋个小食炸墨鱼卷，食落好香脆，配埋个泰式鸡酱，就更加惹味。而个冷泡菊花蜜同冷泡乌龙茶个茶味岩岩好，唔会太浓，好解渴。食物味道唔错，坐落舒服，下次有机会一定要试埋另外两款汤底。