Dionysus (已結業)

呢间餐厅有2层，喺门口入去，已经觉得餐厅装修几华丽。一上到2楼，个环境好贵族feel，好多位可以打卡，好啱带女朋友嚟食。仲要咁啱平日，果时2楼冇乜人，可以静静咁食个lunch。其实个lunch set 价钱比我想像中平民化好多，计计埋埋一般都唔过百五蚊。首先头盘系华道夫沙律，以为冇咩特别，原来里面除咗有苹果同青苹果之外仲有nuts ，食落个口感丰富咗，唔会咁寡。主菜系香煎西班牙猪柳配牛肝菌忌廉汁伴法式薯蓉，啲肉索哂啲汁，咬落好juicy，厚度啱啱好，一啲都唔韧，连配料蕃茄都系新鲜，好食。仲有个精选甜品，系柚子芝士蛋糕，柚子味重，但唔会抢哂芝士味，食落有层次感。另外staff嘅服务态度都好好。