奧壽司

营业中

休息中

假日去数码港行一行，行草地走去医肚～见到有刺身寿司都非常之吸引，太多选择最后拣咗个细嘅刺身盛合。叫完嘢食，食物好快就到，相当有效率！刺身拼盘整得好靓，而且刺身高质够新鲜！吞拿鱼好鲜味，油甘鱼啖啖油脂，三文鱼亦都好够肥。虾好大只超级鲜甜，仲有我钟意食嘅带子都一样好鲜甜！食完刺身就到鳗鱼蟹子炒饭，估唔到炒饭咁快就整好。炒饭好香，够多鳗鱼，而且仲有蟹籽点缀。一碟大大碟，都分到五小碗。串烧叫咗两款：鸡翼及牛舌。烧三文鱼头鱼头够大，鱼头肉够滑又烧得香。猪头肉有油脂，肥美！