一幻拉麵 (已結業)

政府宣布又收紧限令，又冇晚市，唉。所以喺12月10日之前约咗朋友岀嚟食个晚餐，就佢返工个位置，所以选择咗喺中环附近揾餐厅，一路行一路揾最后拣咗一间我哋未食过嘅拉面店。会比呢间拉面吸引到嘅原因系因为见到佢广告牌上面嘅「特浓虾汁叉烧拌面」，好少见到有拌面食搞到有啲兴趣，同埋对于好似我钟意食重口味嘅人特浓两只字好吸引。再加上系香港限定，冇理由唔去试吓。第一次食拉面嘅拌面，唔知应该点期待。一食落去啲味道爆岀嚟，虾汁嘅味道非常浓郁，而且味道同啲配料亦都非常夹。整体来讲我十分推介呢个拌面，等晚市限聚令完咗之后会再嚟食多次。